Monday 30 December 2013

Google අපි Sex සොයන්නෙමු දකින්නෙමු ඒ අපගේ දැනුම උදෙසාය...








 













"ශ්‍රී ලංකාව sex වලින් එකලු...."

Facebook එකේ තිබුණු Status එකක් දැක්කම මට පුදුම හිතුණා
ඇත්තටම අපි වාර්තා තියන්න හරිම දක්ෂයි.. ඇයි ගිය අවුරුද්දෙත් ලංකාව එක 
ආඩම්බරයි නේද?
Google සමාගමේ මෙම වාර්තාවත් එක්කම බොහෝ දෙනා කතා කරන මාතෘකාවක් ගැන අද ලියන්න හිතුණා.

SEX බලලා ශ්‍රීලංකාව පලමුවෙනිස්තානෙට
 ඇයි අපි Sex අන්තර්ජාලයේ සෙව්වේ?

විස්තර දැනගැනීමට, ආශාවට, තෘප්තිමත් වීමට, සොයන්න දෙයක් නැති නිසා, ............. 
විවිධ උත්තර...
  
අපේ රටේ ඉන්න කෝටි දෙකක ජනගහණයෙන් මම හිතන විදියට අන්තර්ජාලය පාවිච්චි කරන අය **ලක්ෂ 50  ඇති වැඩිම උණොත්.
එකෙනුත් Sex ගැන හොයන්න බලන්න උවමනාවක් නැති අය ඇති අඩුගානේ ** ලක්ෂ 10 ක් වත්.
එතකොට **ලක්ෂ 40ක් වගේ පිරිසක් තමා මේ ගොඩට ඇතුලත් වෙන්නේ 
ඇත්තටම ලංකාවේ ඉන්න ලක්ෂ හතළිහක් වගේ පිරිසක් තමා මේ සමාජ මෙහෙවර කරලා තියෙන්නේ.

(**ගණන් හිලවු හරියම නිවැරදි දත්ත නොවේ )
ඇත්තටම මෙහෙම ගණන් හිලව් එක්ක කිව්වට  ඇමරිකාවේ, බ්‍රිතාන්‍යයේ, ප්‍රංශය, කැනඩාව,ජර්මනිය, වගේ අධික ජනගහණයක් ඉන්න රටවල් වල  අය සෙක්ස් ගැන හොයන්නේ නැතිද?
ඒ අයත් හොයනවා.. ඇත්තෙන්ම කොහොමද ලංකාව පළවෙනි ස්ථානෙට ආවේ.
මෙහෙමයි....

1. ලංකාවේ SEX කියලා GOOGLE වල සර්ච් කෙරුවට අනිත් දියුණු යුරෝපා රටවල් වල අයට පුළුවන් සර්ච් කරන්න මෙහෙම  Porn, xxx , ආදී ඒ අයට හුරු විදියට..

2.  ඒ වගේම ලංකාව, ඉංග්‍රීසි භාෂාව දෙවන භාෂාව විදියට තමා යොදා ගන්නේ. අපි සර්ච් කරන්නේ SEX කියලා විතරයි.. ඒ අපේ රටේ බහුතරයක් දන්නා වචනය. ඇත්තෙන්ම ලිංගිකත්වය ගැන හදුන්වන වචන බොහොමයක් ඉංග්‍රීසි භාෂාවේ තියනවා. අපි SEX කියලා සර්ච් කෙරුවට ඉංග්‍රීසි භාෂාව ප්‍රධාන භාෂාව විදියට පාවිච්චි කරන රටවල අයට පුළුවන් තමන් කැමති විදියට මේ සෙවීම් කරන්න.

 3. ඒ වගේම තවත් දෙයක්.. අපේ රටේ අයගේ ඉංග්‍රීසි භාෂාවේ අවබෝධය මදි කම තවත් හේතුවක්.
මම එහෙම කියන්න හේතුව SEX පිළිබද GOOGLE සෙවුමක් කිරීමේදී තමන්ගේ රුචිකත්වයට අදාල ලෙස සෙවීමට එම ඉංග්‍රීසි යෙදුම් සම්බන්දව අපගේ තිබෙනා නොදැනුවත් කම.
හොදින් ඉංග්‍රීසි දන්නා පුද්ගලකුට පුළුවන් තමන් කැමති ලිංගික තොරතුරු තමන්ගේ රුචිකත්වය අනුව සෙවීමට.. මම දන්නා විදියට එසේ කාණ්ඩ තිහක් හතළිහක් හොයාගන්න පුළුවන්.

 4. ඒ වගේම Google පහසුකම් ලබාදී තිබෙනවා බොහෝ භාෂා ප්‍රමාණයකට. ඒ අනුව ලිංගික තොරතුරු සොයන්නෙකුට පුළුවන් තමන් කැමති භාෂාවකින් සෙවීමට. ප්‍රධාන වශයෙන් ප්‍රංශ ජාතිකයකු ලිංගිකත්වය පිළිබද සෙවිමකදී ඔහුට පුළුවන් SEX යන වචනය භාවිත නොකර ඒ සදහා ඔහුගේ භාෂාව එනම් ප්‍රංශ භාෂාවේ ඊට අදාල වචනය ඔස්සේ සෙවීමක් කිරීමට.

දැන් කියන්න පුළුවන්නේ අපිටත් අපේ භාෂාවෙන් හොයන්න පුළුවන් කියලා ඔව් පුළුවන්
ඕනෙම නම් අපේ අයට පුළුවන් මෙහෙම Google වල හොයන්න 




           මේ වගේ 

 ඒවගේම තමා Google කියන ආකාරයට මේ සදහන් වෙන්නේ sex කියා සෙවූ අය අතරින් ශ්‍රීලංකාව අංක එකට පැමිණ ඇති බව
අපි හෙව්වේ Sex කියා පමණයි. ඉංග්‍රීසි හෝ වෙනත් යම් භාෂාවලින් ලිංගිකත්වය පිලිබදව සොයන පුද්ගලයන් ලොව කොතරම් සිටීද
ඔවුන් එම සෙවීමට sex යන පොදු යෙදුම භාවිත කළා යන්න විශ්වාස කල නොහැකියි.
ඒ වගේම Bookmark යෙදීම , වෙබ් ලින්ක් සුරැකිව තබා ගැනීම, කෙලින්ම අදාල වෙබ් අඩවියට පිවිසීම සිදු කල පුද්ගයන් කෙතරම් ඇතිද.

Google වාර්තාවේ ඇත්තේ ඔවුන්ගේ සෙවුම් යන්ත්‍රය යොදා ගනිමින් එම සෙවීම කල අය පිලිබඳවය, එසේ නම් ලොව ඇති අනෙකුත් සෙවුම් යන්ත්‍ර වලින් sex සර්ච් කල අය කෙතරම් ඇතිද.

Google සමාගම පවසන්නේ ලොව වැඩිපුරම sex යන වචනය සොයා ඇත්තේ ලංකාවෙන් බවය. එය කෙසේ වුවත් වෙනත් වචන වලින් වෙනත් භාෂා වලින් මෙම සෙවීම කල අයත්, වෙනත් සෙවුම් යන්ත්‍ර යොදා ගත්තවුන් එකතුව ගත් විට ලංකාවට ඉදිරියෙන් රටවල් බොහොමයක් සිටින්නට හැකිය.
අපේ අවාසනාවය.

අපි සෙව්වේ Sex කියා පමණි. 
නැත
අප මුළු ලෝකෙන්ම අංක එකට පත් වුවේ Sex යන වචනය සෙවීමෙන් පමණක්ම නොවේ යයි කිව හැක. අපි කප් ගැසුවේ sex වලින් පමණද? මෙම රචකයා මගේ අදහස් වලට යමතාක් දුරට සමාන වෙමින් අදහස් දක්වා ඇත. ඔහුගේ  ලිපියට අනුව අපි අංක එකට පැමිණි බොහෝ දේවල් පිලිබදව සොයා බැලිය හැක  ඔහු පවසන පරිදි spoken English , web hosting , web designing, Internet money 
ආදී වූ දේවල් වලින් අපි පලමුවෙනියට සිටින්නෙමු.

මුළු ලෝකයේම රටවල් අතරින් ගත් කල ලංකාව Sex යන වචනය සොයා පළමු තැනට පැමිණියාට, වෙනත් පරිභාශිත වචන වලින්, වෙනත් සෙවුම් යන්ත්‍ර මගින් සෙවීම හා
ලිංගිකත්වය, එම දර්ශන, තොරතුරු සෙවූ බැලූ එම වෙබ් අඩවි වලට කෙලින්ම පිවිසුණු අය සමග ගත් විට අපි පසු පසට යන්නෙමු.. සත්‍යය එය වේ...

  • තවත් දෙයක් කිව යුතුමය 

 අපගේ සමාජයේ සංස්කෘතියත් සමග යම් තරමක් ලිංගිකත්වය පිළිබද අදහස් දැක්වීම තරමක් දුරට අහුරා තිබේ ඒ අනුව පාසල්  අධ්‍යාපනයට ලිංගිකත්වය, එහි ජීව විද්යානුකුල පසුබිම පැහැදිලි කිරීමට අදාල පාඩම් මලා ඇතුලත් කිරීම සිමා වී ඇත්තේ එම සංස්කෘතික සාරධර්ම අගයන්නන්ගේ බල පෑම් හේතුවෙනි.
රටක දියුණුවට අධ්‍යාත්මික සංවර්ධනයත් සංස්කෘතියත් අවශ්‍යවේ.. නමුත් එය යම් ප්‍රමාණයකටය.

එසේ වූ විට අපගේ කිරුළු ලැබීමට හේතුව ලෙස ලෝකයට කියන්නට වන්නේ මාගේ මාතෘකාවය....
එනම්  
 "Google  අපි සොයන්නෙමු  දකින්නෙමු ඒ අපගේ දැනුම උදෙසාය.."
මම සිතන ආකාරයට සෑම දෙනාටම පොදුවූ ශරීරයේ, එක්තරා පද්ධතියක අවයව පිලිබදව හා ඒ ආශ්‍රිතව කෙරෙන්නාවූ රාගය හා ශෘංගාරාත්මක හැගීම් යටතේ සිදු කෙරෙන්නාවූ තම වර්ගයා නැවත ජනනය කිරීමට කෙරෙන්නාවූ ක්‍රියාවලිය පිලිබදව දරුවන් දැනුවත් කිරීමට මෙම සංස්කෘතික  ප්‍රේමීහු විරුද්ධ වන්නෝ නම් ඔවුන් තම රටේ අනාගත පරම්පරාව අදුරේ හෙලිමකට උදව් කරන්නෝ හා මග සලසන්නෝ වෙති.
ඒ කෙසේද යත්.
හරි හැටි ලිංගික අධ්‍යාපනයක් නොලබන දරුවා ඒ සදහා වැඩිවියට එළබෙත්ම අන්තර්ජාලයේ පිහිට පතන්නට පෙළබේ 
 මනාවූ ලිංගික අධ්‍යයාපනයක් නැති තැන වැරදි දැනුවත් කිරීම් හමුවේ හා අසභ්‍ය දර්ශන හමුවේ විකෘත වූ මනසින් යුතුව වැඩිවියට පත් දරුවන් ස්ත්‍රී දුෂණ ආදී සමාජ විරෝධී ක්රියා වලට යොමුවී තම ජීවිතය අදුරේ හෙළ ගනිති. 
එසේම අඩුවයස් ගැබ් ගැනීම්, ගබ්සා, සමාජ රෝග ආදිය අනාගත සමාජයේ සෑම තැනම දකින්නට ලැබෙන්නට පුළුවන .
එවිට ලංකාවට තවත්  කිරුළු බොහොමයක් ලැබෙන්නට හා ලබාගන්නට අවස්ථාව ලැබේ.
අප ගෞතම බුදුරජාණන් වහන්සේ දේශනා කලේ ඇත්ත ඇති සැටියෙන් දකින්න කියාය.
එසේ නම් ඇත්ත ඇති සැටියෙන් දැකීමට කාලයයි මේ.....
මේ 18 වන සියවස නොව විසිඑක්වන සියවස බවද මෙම සංස්කෘතික වැටවල් බදින්නාවූ පිරිසට කිව යුතුමය 

Google සමාගමේ මෙම හෙළිදරව්වත් සමග අපගේ සමාජයේ පවත්නා දුර්මතයන් ඉවතලා පාසල් දරුවාට මනා වූ ලිංගිකත්වය, එහි ජීව විද්‍යයානුකුල පසුබිම ආදී දේ අවබෝධ කරවීමට කටයුතු වහාම යෙදිය යුතු බව අධ්‍යයාපන බලදාරීන්ට වැටහේවා යැයි ප්‍රර්ථනා කරන්නෙමි.
එසේ නොවුවහොත් ශ්‍රිලංකාවේ මෙම කිරුල සදහටම ශ්‍රීලංකාවම සතුව  පවත්වාගෙන යා හැක.
 නැතිනම් අපි තවත් සොයමු,බලමු,තෘප්තිමත් වෙමු, දැනුවත් වෙමු, කිරුරැක ගනිමු.
 
ඉතින් අපි බලා හිදිමු......

(සංවාදයට විවෘතය)

Friday 27 December 2013

පළවෙනි ගුටි කෑම

ඔන්න ඉතින් බ්ලොගේ දාන තුන්වෙනි පෝස්ටුව...
මේ කියන්න යන්නේ ඉස්කෝලෙට ගිහින් සතියක් යන්නත් කලින් කරපු වැඩක් ගැන .
මම කිව්වනේ කලින් පෝස්ටුවේදී කිව්වනේ    එක බැලුවේ නැති අය ගිහින් බලන්නකෝ. මම පාසැල් ගියේ මුලින්ම අපේ ගමේ තිබුණු පුංචි පාසලකට කියලා. එකේ සිද්ද වෙච්චි හොද සිදුවීම් ටිකක් තියනවා.
ඒවා වෙන වේලාවකදී කියන්නම්..
පහ වසරේ ශිෂ්‍යත්ව විභාගේ පාස් වෙලා එහෙම මම ගියේ අපේ පළාතේ තිබුණු ජනප්‍රිය පාසලකට..
ඒකාලේ මගේ විභාග ප්‍රතිපලේ හැටියට යන්න පුළුවන්කම තිබුණා කොළඹ තිබුණු ඕනෑම ජනප්‍රිය පාසලකට උනත්..  ඒත් ගමන් පහසුව ගැන එහෙම හිතලයි අර පාසලට ඇතුලත් වුනේ .

මේ සිද්දිය වුනේ අලුත් පාසලට ගිහින් දවස් හතරක් හෝ පහක් ගිය තැන.. අලුත් පාසලේ උන්නු අයගෙන් මුලින්ම මගේ යාලුවෝ වුනු අය තමා මිහිරාන්, ගයාන් , ඉසුරු , සජිත් ඔන්න ඔය අය තමා. ඒ අය ගැනත් හොද කතා ටිකක් තියනවා..
ඒවා වෙන වෙලාවක කියන්නම්.. දැන් ඔන්න ඔය මුල් දවස් වල ඉතින් වැඩිය ඉගැන්වීමක් කෙරෙන්නේ නෑනේ....
දැන් ඔන්න ඔක්කොම අය එකතුවෙලා කවි සින්දු කතන්දර එහෙම කියනවා....
අපේ පන්තිබාර සර් තමා ඔය වැඩසටහන මෙහෙයවන්නේ.. ඔන්න දවසක් සර් නිවාඩු...
එදා කොල්ලන්ට රජ මගුල්...
කට්ටිය නටන්න පුළුවන් හැම පිස්සුවම නටනවා... ටික වෙලාවකින් ඔතන හිටපු එකෙක්  පටන් ගත්තනේ මරු වැඩක්.. ආ එයාගේ කාඩ් එක තමා ලොරියා ඔය නම හැදෙන්න වුනු හේතුවත්  ලස්සන කතාවක්..
ඔන්න මේ සිද්දිය වෙනකොට මෙයාට ලොරියා කියලා නම හැදිලා තිබුණේ නෑ..
මොකක්ද දන්නවද අපේ ලොරියා පටන් ගත්ත වැඩේ.. මූ පටන් ගත්තු ගමන් කිව්වා
 "ඔන්න මම හොද කතාවක් කියනවා අහගනිල්ලා" කියලා
ආ එහෙනම් කියපන්කෝ කියලා අනිත් උන් ටිකත් කිව්වා
ඔන්න මිනිහා කතාව රසකරලා කිව්වා.
මොකක්ද දන්නවද මූ කියපු කතාව.. අර ඇම්ඩගේ කතා කියලා කියන්නේ. අන්න එකක්...
මොකද මුන් හය වසරේ ඉදන්ම කලේ නසරාණි වැඩමනේ..
කොහොම හරි දිගින් දිගටම ඔය කතා කියවිල්ල ඇදිලා ගියා....
ඇයි එක එකා කියනවනේ කතා... 
හැමෝම වගේ මොකක් හරි එකක් කියනවා...
ඉතින් ඔහොම දවසෙම ඇම්ඩගෙන් පටන් ගත්තු පිම්ම රටේ තියන හැම කුණුහරුපයක් ගැනම කියලයි වැඩේ නැවතුණේ. 
ඔන්න ඉතින් මම නම් මොකුත්ම කිව්වේ නෑලු හරිද?
ඔන්න අපේ කොල්ලෝ... පොඩිකාලේම වැඩ පටන් අරන්...

එදා ඉස්කෝලේ ඉවර වෙලා ගෙවල් වලට ගියා දවස් දෙකක්ම නිවාඩු තිබුණු හන්දා මාර සතුටකින් තමා ගෙදර ගියේ..
ඊළඟ සතියේ සඳුදා ඉස්කෝලේ ඇවිත් ඉතින් පලවෙනි පීරියඩ් එක එහෙම පටන් ගත්තා...
මුලින්ම උගන්නපු දවස... මට තාමත් මතකයි උදේම තිබුණේ සිංහල විෂය...
එදා කොහොම හරි සර් පන්තියට ඇවිත් ටික වෙලාවකින්  
"ලොරියා මෙහාට එනවා කියලා කිව්වා"
අපේ ලොරියාත් පන්තිය ඉස්සරහට ගියා..
"මොනවද එදා තමුසේ කියපු කතන්දර කියනවා බලන්න"
දැන් අපේ සර් මුගෙන් ප්‍රශ්න කරනවා..
"සර් මම කිව්වේ හවායි ඉබ්බයි රේස් දුවපු කතන්දරෙනේ" දැන් මූ කියනවා..
"ඒ එදානේ මම අහන්නේ මේ සිකුරාදා කියපු කතන්දර ගැන"  සර් කියනවා..

 "එදා කතන්දර කිව්වේ නෑ සර්...." ලොරියා එහෙම කියනවා..

"මොකක් කිව්වේ නෑ" සර් අහන්නේ
"ඔව් සර් කිව්වේ නෑ" 
දඩාන් ගාලා සද්දයක් ඇහුණා මෙන්න ලොරියා ඉන්නවා කන අල්ලාගෙන... 
"අනේ සර් කිව්වේ නෑ සර්"
දැන් මුළු පන්තියේම උන් ටික කට ඇරගෙන බලන් ඉන්නවා මේ මොකද කියලා බය වෙලා..
"එතකොට තමුසේ දන්නෙම නෑ"
"නෑ සර්" ලොරියා එහෙම කිව්වේ අඬන ගමන්.. 
"නැගිටපියව් ඔක්කොම" සර් කිව්වා 
දඩ බඩ ගාලා ඔක්කොම ටික නැගිටලා බලාගෙන ඉන්නවා
ඔන්න සර් කොලයක් අරගෙන තුන් හතර දෙනෙක්ගේ නම් කියෙව්වා 
"එනවලා මේ නම් කියපු අය ඉස්සරහට.."
ඔය අතරේ මගේ නමත් තිබුණේ නෑලු....

සර් ගයාන්ගෙන් අහනවා "ගයාන් ඇම්ඩගැන දන්නවලු නේද? " කියලා
එතකොට තමා මට මීටර් උනේ මේකට තමා මේ සර් අහන්නේ කියලා..
ගයානයට බයටම "ඔව් සර්"කියවුණා 
එත් එක්කම පටාස් ගාලා වේවැල් පාරක් පස්ස පැත්ත රත් වෙන්නම ලැබුණා
 ඉතින් ඔහොම ඉස්සරහට ගිය අයගෙන් ඔක්කොම වගේ ගුටි කෑවා..
ඉස්සරහට ගිය උන් විතරද?...
 නෑ සර් කිව්වා 
මම මුන්ට ගැහුවේ පාරවල් තුනයි එකෙක්ට 
හැබැයි මේ ඉන්න අනිත් උනුත් කුණුහරුප කියලා තිබුණා කියලා මම දන්නවා.. ඒ නිසා කියපු එවුන් ඔක්කොම වරෙව් ඉස්සරහට නැතුව මම ලගට ආවොත් එහෙම බලාගන්න පුළුවන් කියලා  
එත් එක්කම ඔක්කොම කොල්ලෝ ටික දඩ බඩ ගාලා ඉස්සරහට ගිහින් පෝලිමට ඉන්නවා. දන්සලේ වගේ...
ගුටි දන්සලේ
එදා කොහොම හරි පන්තියේ ගැහැණු ළමයි ඇරෙන්න ඔක්කොම කොල්ලෝ ටික හොද පදමට ගුටි කෑවා..
ඒ විතරක් නෙවි පීරියඩ් තුනක් විතර දන ගහගෙන ඉන්නත් වුනා.
 ඉස්කෝලේ ඇතුලේ කුණුහරුප කිව්වා කියලා.
මටත් වැදුණා පස්ස රත්වෙන්නම පාරවල් තුන හතරක්ම... 
ඇයි ඉතින් මමත් කිව්වනේ මරු කතා ටිකක්.. 
එදා දවසෙම අපි කල්පනා කලේ කව්ද මේක සර්ට කිව්වේ කියලා.. 
ඇයි ඉතින් අපේ කොල්ලෝ එකෙක්වත් සර්ට කේලම් කියන්න යන්නේ නෑ කියලා දන්නවා.
අපේ සැකය තිබුණේ කෙල්ලෝ ගැන. බලාගෙන යත්දී ඇත්තටම වෙලා තිබුනෙත් එකම තමා...
අවසානේ ඉස්කෝලේ අට වසරට එනකන්ම පන්තියේ කෙල්ලෝ ගණන් ගන්නේ නෑ...
හැම වෙලාවේම වගේ උන්ට බනින එක තමා එකම වැඩේ....
හැබැයි ඉතින් එදා මදි නොකියන්නම ගුටි කෑවා අලුත් ඉස්කෝලෙට ගිහින් සතියක් යත්දීම..
තවමත් මතක් වෙනවා ඒ සුන්දර අතීතය...


Comment එකකකුත් දීලම යන්නකෝ


Thursday 26 December 2013

මුලින්ම ඉතින් හඳුනාගෙන ඉමු

ඇත්තම කිව්වොත් මම නම් ටිකක් විතර පිටිසර පළාතක කෙනෙක්...
ඒ උනාට එච්චරම වන්නියේම නෙවෙයි... :P
ඔය තහනම් අඩවියේ රජතුමාගේ මාලිගාව තියන පළාතේම තමා ඉතින්... ලගම නෙවී ටිකක් විතර දුරින් 
ඔන්න ඉතින් මම පොඩිකාලේ ඉස්කෝලේ එහෙම ගියේ ගමේ තිබුණු පාසලකට..
අර අම්මලාගේ විභාගේ පාස් වෙලා මම ඔන්න යනවා අපේ පළාතේ තියන හොද පාසලකට..
අර සිකුරු ග්‍රහයාට කියන්නේ තව නමකින් උදේට... පහන් තරුව කියලා ... අන්න ඒ නම තමා අපේ පාසලේ අන්වර්ථ නාමය...
ආ මගේ හොදම යාලුවෝ සෙට් එක හම්බුනේ මේ ඉස්කෝලෙදි තමා..
ඒ අය ගැන පස්සේ කියන්නම්...
කොහොම හරි එක එක පිස්සු වැඩ ටිකක් කරලා එහෙම ඔන්න කොල්ල  සාමාන්‍ය පෙළ විභාගේ
ගොඩ දාගන්නවා
ඊට පස්සේ ඉතින් දොස්තර මහත්තයෙක් වෙන්න හිතාගෙන තමා උසස්පෙළ කරන්නේ.... :P
එත් ඉතින් දොස්තර මහත්තයෙක් වෙන්න නම් ඔන්න මට බැරුව ගියා....
අය්යෝ..... කමක් නෑ කොහොම හරි A/L ගොඩ දාගත්තා...
දැන් ඉතින් ප්‍රයිවෙට් කැම්පස් එකක ඩිග්රි එකක් කරනවා 
සල්ලි තියනවාට නෙවී... ආ මම ඉගෙන ගන්න කැමැත්තක් තිබුණු ක්ෂේත්‍රයක් හමුවීම නිසාමයි....
වැඩි
විස්තර ටික ටික දැන ගන්න ලැබේවි.

Wednesday 25 December 2013

නන්නත්තාරේ යන අයට ......

නන්නත්තාරේ යන අයට ......
ඔන්න නන්නත්තාරේ යන අයට අලුත් වැඩක්...  සයිබර් අවකාශයේ සැරිසරණ ඔයාලට ඇවිත් බලන්න, බලලා නන්නත්තාර වෙන්න වැඩක් පටන් ගන්න යන්නේ
ළඟදීම....